Երէկ երեկոյեան Պէյրութի մէջ իր մահկանցուն կնքեց բեմադրիչ եւ դերասան Պերճ Ֆազլեան: Պոլիս ծնած Ֆազլեան կը համարուի լիբանանեան թատրոնի   կարեւոր կերտիչներէն մին: Մասնաւորապէս Ռահպանի   եղբայրներուն  եւ Ֆէյրուզի հետ  իր համագործակցութեամբ Ֆազլեան յաջողած է կերտել լիբանանեան  թատրոնի ոսկի օղակներէն մին: Ֆազլեան կարեւոր ներդրում ունի նաեւ լիբանանահայ թատրոնի    մօտիկ անցեալի պատմութեան մէջ: Ան հանդէս  եկած է  տասնեակ  շարժանկարներու մէջ եւ բեմ հանած  մեծ թիւով թատերական   բեմադրութիւններ: Մտաւորական Ֆազլեան նոյնպէս իր ուրոյն տեղը ունեցած է գաղութի մտաւորական շրջանակներուն մօտ եւ անոր կեցուածքները կ’ընկալուէին խորագոյն յարգանքով:   Ան, որպէս  թատրոնի  եւ թատերական նիւթերու դասախօս, յայտնի անուն է  Լիբանանի համալսարանական  շրջանակներուն   եւ արժանացած է տեղական   մտաւորական եւ գեղարուեստի շրջանակներու  յարգանքին:  Ֆազլեան  ամուսինն է գեղանկարիչ, ասմունքող  Տիկն.  Սիրվարդ  Ֆազլեանի եւ հայրը՝ Լիբանանի Սիմֆոնիք նուագախումբի ղեկավար   Յարութ Ֆազլեանի: