ՇՆՈՐՀԱՒՈՐԱԳԻՐ

Սիրելի՛ Պրն. Գէորգ Պ. Յակոբեան,
Կեանքի ընթացքին ժամանակը կը հոսի, բայց բառը կը մնայ: Խորին ուրախութեամբ եւ հպարտութեամբ կը շնորհաւորենք Ձեզ՝ Ամենայն Հայոց Կաթողիկոս Ն.Ս.Օ.Տ.Տ. Գարեգին Բ. Հայրապետի Սրբատառ Կոնդակին եւ Ս. «Սահակ-Մեսրոպ» շքանշանին արժանանալուն առթիւ։ Այս բարձրագոյն գնահատականը արժանի վարձատրութիւնն է Ձեր երկարամեայ, բեղուն եւ նուիրեալ գրական վաստակին, ինչպէս նաև հայ մշակոյթին, գիրին ու հոգեւոր արժէքներուն մատուցած անթիւ ծառայութիւններուն։
Մեսրոպեան սուրբ տառը երկնային լոյսի կայծ մըն է, որ վստահուեցաւ հայ գրողի խիղճին ու մտքին: Ձեր կեանքի ուղին եղած է այդ լոյսին անշեղ կրումը. Ձեր գրիչը ոչ միայն թուղթի վրայ շարուող շարք մը բառեր է, այլեւ հայոց ոգիին անթիւ խորհուրդներուն արձագանգը: Այն պահը, երբ Մայր տաճարի սրբազան կամարներուն տակ պիտի ստանաք այս պարգեւը, կը խորհրդանշէ հողի եւ երկինքի, անցեալի եւ ապագայի միջեւ ստեղծուած անխզելի կապը:
Գրելը զոհաբերութիւն է, մտքի եւ սիրտի լարում՝ ժամանակի անողոք հոսքին դէմ կանգնելու եւ անմահութեան կամուրջներ հիւսելու համար: Այսօր Եկեղեցին եւ ժողովուրդը կը մեծարեն Ձեզ ոչ միայն որպէս գրագէտ, այլեւ որպէս հոգեւոր պահապան, որ իր ստեղծագործութեամբ իմաստաւորեց հայ մարդու գոյութիւնը:
Պոլսահայ Միութեան Հոգաբարձութեան, գործադիր Յանձնախումբի եւ բոլոր ենթայանձնախումբերու անունով, կը մաղթենք, որ Ձեր ներքին լոյսը երբեք չմարի, եւ ստեղծագործական այս ճամբան շարունակէ ծաղկիլ՝ ի փառս հայ մշակոյթի եւ ի մխիթարութիւն հայոց ոգիին։
Խորին յարգանքով եւ սիրով՝
ՊՈԼՍԱՀԱՅ ՄԻՈՒԹԻՒՆ

————–

         Մեծ ուրախութեամբ եւ հպարտութեամբ կը յայտարարենք, թէ յարգելի հեղինակ, հրապարակագիր եւ մտաւորական Գէորգ Պ. Յակոբեան արժանացած է Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի սրբատառ կոնդակին եւ Հայաստանեայց Առաքելական Սուրբ Եկեղեցւոյ «Սուրբ Սահակ-Սուրբ Մեսրոպ» հեղինակաւոր շքանշանին։

          Գրիչը լոկ գործիք չէ, այլեւ՝ կամուրջ մը որ կը միացնէ ժամանակներն ու հոգիները: Իսկական հեղինակը ան է, որ գիրին ընդմէջէն կը փնտռէ ճշմարտութիւնը եւ լոյս կը ջամբէ մարդկային անցաւոր կեանքին՝ զայն վերածելով անմահութեան:

          Այս բարձրագոյն պարգեւը արդար գնահատականն է տասնամեակներու վրայ երկարող իր վաստակին, հայ գրականութեան, մշակոյթին եւ մեր ազգային արժէքներու պահպանման ու տարածման ի նպաստ ներդրած անխոնջ աշխատանքին։ Իր գրիչն ու մտաւորական գործունէութիւնը միշտ եղած են ներշնչման աղբիւր մեր գաղութէն ներս եւ անկէ դուրս։

          Միտքը որ կը նուիրուի իր ժողովուրդին, երբէք չի հիննար, ան կը դառնայ մշտահոս աղբիւր, որմէ կը սնանին գալիք սերունդները:

          Պոլսահայ Միութեան Հոգաբարձութեան, Գործադիր Յանձնախումբի եւ բոլոր ենթայանձնախումբերու  անունով՝ սրտանց կը շնորհաւորենք մեծարգոյ Գէորգ Պ. Յակոբեանը այս արժանաւոր պարգեւատրման առիթով։ Իրեն կը մաղթենք քաջառողջութիւն, երկար կեանք եւ նորանոր ստեղծագործական յաջողութիւններ, որպէսզի շարունակէ հարստացնել հայ դպրութիւնն ու միտքը։

          Վարձքդ կատա՛ր, յարգելի՛ պարոն Պ. Յակոբեան։

ՄՄՕ 

Գէորգ Պ. Յակոբեանը ծանօթ պոլսահայ պատմաբան, բանասէր, հրապարակագիր և կրթական գործիչ է։ Ան երկար տարիներ գործօն դերակատարութիւն ունեցած է պոլսահայ համայնքի եկեղեցական, կրթական ու մամուլի կեանքին մէջ, յատկապէս աշխատակցելով Ստամբուլի «Մարմարա» օրաթերթին։

Հիմնական գործունէութիւնը և վարկը

Կրթական ոլորտ: Շուրջ տասը տարի վարած է Գումգաբուի երբեմնի Պօղոսեան-Վառվառեան վարժարանի հիմնադիր ներկայացուցիչի պաշտօնը՝ մօտէն հետեւելով հայկական դպրոցներու կրթական հարցերուն։

Բանասիրական և պատմական աշխատութիւններ: Հեղինակ է պոլսահայ իրականութեան, պատրիարքներու (օրինակ՝ Խաչատուրեան պատրիարք, Շնորհք պատրիարք) և Կեսարիոյ Սուրբ Գրիգոր Լուսաւորիչ եկեղեցւոյ պատմութեան նուիրուած ուշագրաւ յուշամատեաններու, օրացոյցներու և հրատարակութիւններու։

Գլխաւոր երկը: Անոր կարևորագոյն կոթողային աշխատութիւնն է «Հայոց կրթական հաստատութիւններու պատմութիւն՝ Օսմանեան գաւառներու մէջ» երկհատոր ուսումնասիրութիւնը, որուն շնորհանդէսը մեծ շուքով կայացած է Երևանի մէջ, և հեղինակը անձամբ հատորները նուիրած է Հայաստանի Ազգային Գրադարանին։

…

…

Photos By Hrach Sepetcian