Ֆեթհիյէ Չեթին եղած է Թուրքիոյ Սահմանադրութեան 301 յօդուածով մեղադրուած Հրանդ Տինքի դատական պաշտպանը: Ան մինչեւ օրս կը շարունակէ ներկայացնել Հրանդ Տինքի ընտանիքի բոլոր շահերը:
Չեթին հեղինակն է «Մեծ Մայրս» գիրքին, ուր կը նկարագրէ, թէ ե՛րբ եւ ինչպէ՛ս բացայայտուած են իր մահացող մեծ մօր հայկական արմատները, իսկ իր համահեղինակած «Թոռները» գիրքին մէջ, ան կը պատմէ 1915-1923 թուականներուն թոռներու շուրթներով գրի առնուած՝ Հայոց Ցեղասպանութիւնը ապրած եւ բռնի ուժով ինքնութիւնը կորսնցուցած հայերու յիշողութիւնները:
Լոս Անճելըսի եւ անոր շրջակայքը գտնուող համայն հայութեան կը տեղեկացնենք, թէ Հայոց Ցեղասպանութեան Լոս Անճելըսի Միացեալ Մարմինը կազմակերպած է երեք ձեռնարկներ, որոնց ժամանակացոյցը կը ներկայացնենք ստորեւ.
ա.- Հրապարակային դասախօսութիւն, որ տեղի պիտի ունենայ Երեքշաբթի, Նոյեմբեր 18, 2014ին, երեկոյեան ժամը 7:30ին, Ազգային Ֆերահեան վարժարանի «Աւետիսեան» սրահին մէջ՝ 5300 White Oak Ave., Encino, CA, 91316:
Լոս Անճելըսի հայ համայնքը սիրով հրաւիրուած է լսելու Ֆեթհիյէ Չեթինի սոյն հրապարակային դասախօսութիւնը:
բ.- Ուսանողական հաւաք, որ տեղի պիտի ունենայ Հինգշաբթի, Նոյեմբեր 20, 2014ին, երեկոյեան ժամը 7:30ին, Քալիֆորնիոյ նահանգային համալսարանի Նորթրիճի մասնաճիւղի «Օվիէթ» գրադարանին մէջ՝ CSUN, Oviatt Library, 18111 Nordhoff Street, Northridge, CA 91330:
գ.- Միացեալ Մարմինս նաեւ կազմակերպած է ընթրիք-երեկոյ մը՝ ի պատիւ Ֆեթհիյէ Չեթինի. տեղի պիտի ունենայ Շաբաթ, Նոյեմբեր 15, 2014ին, երեկոյեան ժամը 8էն սկսեալ, Պոլսահայ միութեան սրահին մէջ՝ 19726 Sherman Way Winnetka, CA 91306:
Տոմսերու համար, կը խնդրուի հեռաձայնել Ռազմիկ Յովհաննէսեանին՝ (818) 631-9110 թիւով: Տոմսերու գինն է 80 տոլար:
ՀԱՅՈՑ ՑԵՂԱՍՊԱՆՈՒԹԵԱՆ ՈԳԵԿՈՉՄԱՆ ՄԻԱՑԵԱԼ
ՄԱՐՄԻՆ, ԼՈՍ ԱՆՃԵԼԸՍ